මහනුවර කෘෂි අංශ නව්‍යකරණ ව්‍යාපෘති නිරීක්ෂණයට
කෘෂි අංශ නව්‍යකරණ ව්‍යාපෘතිය යටතේ මහනුවර දිස්ත්‍රික්කය තුළ ක්‍රියාත්මක වන කෘෂි බීජ නිෂ්පාදනාගාර ව්‍යාපෘතින්හි ප්‍රගතිය නිරීක්ෂණය කිරීම සඳහා පසුගියාදා (05) මධ්‍යම පළාත් ආණ්ඩුකාරවර මහාචාර්ය එස්. බී. එස්. අභයකෝන් මහතා නිරීක්ෂණ චාරිකාවක නිරත විය.ලෝක බැංකු ආධාර යටතේ ක්‍රියාත්මක වන මෙම ව්‍යාපෘතිය මගින් ආනයනික කෘෂි බීජ වෙනුවට වඩා ඉහළ ඵලදාවක් සහිත දේශීයව ගුණාත්මක බීජ නිෂ්පාදනය කටයුතු සිදු කරනු ලබයි. දෙමුහුන් බීජ නිෂ්පාදනය කිරීම, නව කෘෂි තාක්ෂණය භාවිතයට ගැනීම, කෙටිකාලීනව අස්වැන්නක් ලබා ගැනීමට හැකිවීම, වෙළඳපොළ අවශ්‍යතාවයට ගැලපෙන බීජ ප්‍රභේද නිෂ්පාදනය කිරීම, දේශීය මෙන්ම විදේශ වෙළඳපොලට අලෙවි කටයුතු සිදුකිරීම ඇතුළු අංශයන් වෙත මෙම ක්ෂේත්‍රයේ ව්‍යවසායකයින් යොමු කිරීමටද මෙම ව්‍යාපෘතිය මගින් පියවර ගෙන ඇත.මහනුවර දිස්ත්‍රික්කයේ යටිනුවර ප්‍රාදේශීය ලේකම් කොට්ඨාශයේ කඩුගන්නාව බලන ප්‍රදේශයේ පවතින බීජ නිෂ්පාදන ව්‍යාපෘති නිරීක්ෂණය කිරීම මෙහිදී සිදු විය. මාළු මිරිස් දෙමුහුන් බීජ නිෂ්පාදනය සිදු කරන ව්‍යාපෘතියක්, දෙමුහුන් බටු බීජ නිෂ්පාදනාගාරයක් නිරීක්ෂණය කිරීම සිදුවිය, එසේම ගෙලිඔය ප්‍රදේශයේ ක්‍රියාත්මක දෙමුන් බීජ නිෂ්පාදනාගාරයක් ද ආණ්ඩුකාරවරයාගේ නිරීක්ෂණයට ලක් වූ අතර මෙම ව්‍යාපෘති ක්‍රියාත්මක කිරීමේදී පවතින ගැටලු හා ආශ්‍රිතව කටයුතු පිළිබඳව විමසීම ද මෙහිදී සිදු කරන ලදී. එසේම ගෙලිඔය ප්‍රදේශයේ සිදුකරනු ලබන පලතුරු වගාවක් වන Hass අලිපේර ව්‍යවසායකයෙකු ගේ ව්‍යාපෘති නිරීක්ෂණ කටයුතුද සිදු කළ අතර ඉතා කෙටි කාලයකින් වැඩි අස්වැන්නක් ලබා ගැනීමට හැකිවීම, නිෂ්පාදන විවිධාංගිකරණය යොමුවීම මෙන්ම මෙම නිෂ්පාදන විදේශයන් වෙත අපනයනය කිරීමට ද සැලසුම් කොට පවතී.ලෝක බැංකු ආධාර මත මෙවැනි ව්‍යාපෘති 75ක් ක්‍රියාත්මක කෙරෙන අතර එමඟින් කෘෂි අංශය ප්‍රවර්ධනය කරමින් නව තාක්ෂණය සමඟ ඉහළ අස්වැන්නක් ලබාගැනීමටත්, කෘෂි බීජ ආනයනය කිරීම වෙනුවට රට තුළම බීජ නිෂ්පාදනයට යොමු වීම මගින් ව්‍යවසායකත්වයක් රට තුළ ගොඩනැගීමට කටයුතු යොදා පවතී.මෙම අවස්ථාව සඳහා මහනුවර දිස්ත්‍රික් පාර්ලිමේන්තු මන්ත්‍රී ජගත් මනුවර්ණ , මධ්‍යම පළාත් ප්‍රධාන ලේකම් අජිත් ප්‍රේමසිංහ, කෘෂිකර්ම අමාත්‍යංශයේ ලේකම් චන්දන වික්‍රමසූරිය, පළාත් කෘෂිකර්ම අධ්‍යක්ෂ ජයලත් දිසානායක, කෘෂි නව්‍යකරන ව්‍යාපෘතියේ අධ්‍යක්ෂ, හිටපු කෘෂිකර්ම අධ්‍යක්ෂ ජනරාල් ආචාර්ය රොහාන් විජේකෝන් යන මහත්වරුන් ඇතුළු නිලධාරින් රැසක් එක්ව සිටියහ.
පාසල් පුවත්
"ආරම්භයක් කිරීමට ඔබ විශිෂ්ටයකු විය යුතු නැත, නමුත් ඔබට විශිෂ්ටයකු වීමට නම් ආරම්භයක් කළ යුතුය" - ලෙස් බ්‍රවුන්
දඹුල්ල මහ නගර සභා ගැටලු පිළිබද සාකච්ඡාවක්.
මාතලේ දඹුල්ල මහ නගර සභාවේ පවතින පරිපාලනමය ගැටලු කිහිපයක් පිළිබදව සාකච්ඡාවක් පසුගිය දා (02) ගරු ආණ්ඩුකාරවර සරත් බී. අභයකෝන් මහතාගේ ප්‍රධානත්වයෙන් දඹුල්ල මහ නගර සභා නගරාධිපති වසන්ත රාජමන්ත්‍රී මහතා ඇතුළු නිලධාරීන් පිරිසකගේ සහභාගීත්වයෙන් සිදු කෙරිණ. මෙම අවස්ථාව සදහා මධ්‍යම පළාත් ප්‍රධාන ලේකම් අජිත් ප්‍රේමසිංහ, ආණ්ඩුකාර ලේකම් මංජුලා මඩහාපොල, නියෝජ්‍ය ප්‍රධාන ලේකම් (පාලන) නිශාන්ත කරුණාතිලක, මධ්‍යම පළාත්, පළාත් පාලන කොමසාරිස් චමිලා අතපත්තු යන මහත්ම මහත්මියන් ඇතුළු පිරිසක් සහභාගී වී සිටියහ.
මධ්‍යම පළාත් ආණ්ඩුකාරතුමාගේ මහජන දිනය 09-01දින ගරු ආණ්ඩුකාරවර මහාචාර්ය සරත් බී. අභයකෝන් මහතාගේ ප්‍රධානත්වයෙන් මහනුවර ආණ්ඩුකාර කාර්යාල ශ්‍රවණාගාරයේදි පැවැත්වින.
එම අවස්තාව සදහා මධ්‍යම පළාත් ආණ්ඩුකාර ලේකම් මංජුලා මඩහාපොල මහත්මියද ආණ්ඩුකාර සහකාර ලේකම් චාමර අලහාකෝන් මහතාද සහභාගී වී සිටියහ.
මැදරට පිරිවෙන් අධ්‍යාපනය සවිබල ගැන්වීමට අවධානය
මධ්‍යම පළාතේ පිරිවෙන් අධ්‍යාපනය සවිබල ගැන්වීම පිළිබඳ සාකච්ඡාවක් මධ්‍යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතාගේ ප්‍රධානත්වයෙන් මහනුවර පිහිටි ආණ්ඩුකාර කාර්යාලයේදී (03) පැවැත්විණි.අධ්‍යාපන අමාත්‍යාංශයේ පිරිවෙන් සංවර්ධන අංශය විසින් දිවයින පුරා ක්‍රියාත්මක වැඩසටහනකට සමගාමීව මධ්‍යම පළාත් ප්‍රධාන හා අධ්‍යාපන අමාත්‍යාංශය සහ මධ්‍යම පළාත් අධ්‍යාපන දෙපාර්තමේන්තුව එක්ව මෙම සාකච්ඡාව සංවිධානය කර තිබිණි.මධ්‍යම පළාතේ පරිවෙන් අධ්‍යාපන නංවාලීම සඳහා මධ්‍යම පළාත් සභාව ඇතුළු ආයතන සහ දිස්ත්‍රික් ලේකම් සහ ප්‍රාදේශීය ලේකම් කාර්යාලවලින් අවශ්‍ය සහාය ලබා ගැනීමේ අරමුණු ඇතිව මෙම සාක්ච්ඡාව පැවැත්විය.අධ්‍යාපන අමාත්‍යාංශයේ පිරිවෙන් සංවර්ධන අංශයේ අධ්‍යක්ෂ පූජ්‍ය කන්තලේ විජිතවංශ හිමියන් විසින් පිරිවෙන් අධ්‍යාපනය සම්බන්ධයෙන් දැනුවත් කිරීම සිදු කළහ. පිරිවෙන් ගුරුවරුන්ගේ ආයතනික රාජකාරි ගැටළු, ධාරිතා සංවර්ධන සහ පිරිවෙන් සිසු පුහුණු වැඩසටහන්, පිරිවෙන් විද්‍යායතන අධික්ෂණය කිරීම, නියාමන කටයුතු, භෞතික පහසුකම් සංවර්ධනය කිරීම, දිස්ත්‍රික් සහ ප්‍රාදේශීය ශාසනාරක්ෂක මණ්ඩලවල සහාය ලබා ගැනීම, ඉදිකිරීම් හා නඩත්තු නියාමනය සහ තාක්ෂණික සහාය ලබා ගැනීම යන කරුණු සම්බන්ධයෙන් මෙහිදි අවධානය යොමු කෙරිණි.මෙම අවස්ථාව සඳහා පූජ්‍ය මහාචාර්ය ගල්ලෑල්ලේ සුමනසිරි හිමියන් ඇතුළු පිරිවෙන්, කලාප අධ්‍යාපන කාර්යාල සහ දිස්ත්‍රික් සහ ප්‍රාදේශීය ශාසනාරක්ෂක මණ්ඩල නියෝජනය කළ මහා සංඝරත්නය, මධ්‍යම පළාත් ප්‍රධාන ලේකම් අජිත් ප්‍රේමසිංහ, ආණ්ඩුකාර ලේකම් මංජුලා මඩහාපොල, මධ්‍යම පළාත් ප්‍රධාන හා අධ්‍යාපන අමාත්‍යංශයේ ලේකම් මධුපානි පියසේන, පළාත් අධ්‍යාපන අධ්‍යක්ෂ නිහාල් අලහකෝන්, පළාත් සංස්කෘතික අධ්‍යක්ෂ ඉනෝදනි තඹවිට යන මහත්ම මහත්මින් අධ්‍යාපන අමාත්‍යාංශයේ නිලධාරීන්, කලාප අධ්‍යාපන අධෂක්ෂවරුන්, විෂය අධ්‍යක්ෂවරුන්, දිස්ත්‍රික් ලේකම් කාර්යාලවල නිලධාරීන් සහභාගී වූහ.
මධ්‍යම පළාත් රාජ්‍ය සේවා කොමිෂන් සභාවට නව ලේකම් වරයෙක්.
මධ්‍යම පළාත් රාජ්‍ය සේවා කොමිෂන් සභාව ලේකම්වරයා ලෙස කේ.කේ.ජි.අයි.ඩි.පී. විජේතිලක මහතා පත්කිරීමට අදාළ ලිපිය ලබා දීම මධ්‍යම පළාත් ගරු ආණ්ඩුකාරවර මහාචාර්ය එස්.බී.එස්. අභයකෝන් මහතා අතින් (01) වන දින ආණ්ඩුකාර කාර්යාලයේදී සිදු කෙරිණි.
ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරියෙක් වන කේ.කේ.ජි.අයි.ඩි.පී. විජේතිලක මහතා බස්නාහිර පළාත් ආණ්ඩුකාර ලේකම් ලෙස අවසන් වරට කටයුතු කළේය.
මොරවැව ප්‍රාදේශීය ලේකම් ලෙස රාජ්‍ය පරිපාලන සේවයට එක්වූ කේ.කේ.ජි.අයි.ඩි.පී. විජේතිලක මහතා මහතා නැගෙනහිර පළාත් සභාවේ අමාත්‍යාංශ කිහිපයකම අමාත්‍යාංශ ලේකම් ලෙස ද මාතලේ අතිරේක දිස්ත්‍රික් ලේකම්, මධ්‍යම පළාත් සත්ත්ව නිෂ්පාදන හා සෞඛ්‍ය දෙපාර්තමේන්තුවේ සහකාර ලේකම් ලෙසද මහනුවර හා නුවරඑළිය මහ නගර සභාවල නාගරික කොමසාරිස් ලෙසද කටයුතු කර ඇත.
අප අමතන්න
පළාත් මාධ්‍ය ඒකකය,
ප්‍රධාන හා අධ්‍යාපන අමාත්‍යාංශය
මධ්‍යම පළාත් සභා සංකීර්ණය
පල්ලේකැලේ, කුණ්ඩසාලේ
ශ්‍රී ලංකාව
media.cpcm@gmail.com
දු.ක. / ෆැක්ස් - +94 812 225272
WhatsApp
Facebook
